ଏହି ନୃତ୍ୟ ମାଲବାରର ମୁସଲମାନମାନଙ୍କର ମେଳା ମହୋତ୍ସବ ଓ ବିବାହ ସମୟର ମନୋରଂଜନ ପାଇଁ ଆବଶ୍ୟକ ହୋଇଥାଏ । କୁମାରୀ ଏବଂ ଯୁବତୀ ମହିଳା ସଂପର୍କୀୟମାନେ କନ୍ୟା ଚାରିପଟେ ଗୀତ ଗାଇ ନାଚିଥାନ୍ତି । ତାଳି ମାରିଥାନ୍ତି, ମୋପିଲାପାଟୁ ଗୀତ ପ୍ରଥମେ ମୁଖ୍ୟ ଗାୟିକା ଗାଇଥାନ୍ତି ଏବଂ ତାହା ପରେ ସମବେତ କଣ୍ଠରେ ଅନ୍ୟମାନେ ପୁନରାବୃତ୍ତି କରିଥାନ୍ତି । ଏହାର ସାରାଂଶ ହୋଇଥାଏ ଭାବି କନ୍ୟାଙ୍କୁ ବିଭିନ୍ନ ପ୍ରକାରରେ ଉପହାସ କରିବା ଏବଂ ତାଙ୍କୁ ଦାମ୍ପତ୍ୟ ଜୀବନ ବିଷୟରେ କିଛି କହିବା । ଓପାନାକୁ ଏବେ ବି ମଞ୍ଚରେ ଉପସ୍ଥାପନ କରାଯାଉଛି ।