ਵਿਦਵਾਨ ਤੋ ਲੈ ਕੇ ਅਨਪੜ੍ਹ ਪੇੰਡੂਆਂ ਲਈ ਇਹ ਵੇਖਣ ਯੋਗ ਹੁੰਦਾ ਹੈ। ਕੁਝ ਚਰਿੱਤਰਾਂ ਲਈ ਹੱਲਕੀ ਲੱਕੜ ਅਤੇ ਕਪੜੇ ਦੀ ਗੱਦੀਆਂ ਤੋ ਬਣੇ ਮਨੁੱਖੀ ਚਿਹਰੇ ਤੋ ਵੱਡੇ ਆਕਾਰ ਦੇ ਮੁਖੋਟਿਆਂ ਦੁਵਾਰਾਂ ਕਈ ਪ੍ਰਕਾਰ ਦੀ ਰੰਗ ਬਿਰੰਗੀ ਮੁੱਖ ਸੱਜਾ ਨਾਲ ਦ੍ਰਿਸ਼ ਪ੍ਰਭਾਵ ਨੂੰ ਵੱਧ ਅਸਰਦਾਰ ਬਣਾਇਆ ਜਾਂਦਾ ਹੈ। ਚਰਿੱਤਰ, ਜੋ ਮੁਖੋਟੇ ਧਾਰਣ ਨਹੀਂ ਕਰਦੇ ਹਨ, ਉਹਨਾਂ ਲਈ ਚਿੱਟੀ ਚੱਟੀ ਦੇ ਫਰੇਮ ਦੇ ਅੰਦਰ ਚਿਹਰੇ ਦੇ ਵਿਸ਼ੇਸ਼ ਰੰਗਾਂ ਦੀ ਵਰਤੋ ਕੀਤੀ ਜਾਂਦੀ ਹੈ। ਇਸ ਵਿੱਚ ਵਰਤੇ ਜਾਉਣ ਵਾਲੇ ਮੁੱਖ ਰੰਗ ਹਨ - ਗਹਿਰਾ ਹਰਾ, ਹਲਕਾ ਚਮੜੀ ਦਾ ਰੰਗ ਅਤੇ ਗਹਿਰਾ ਗੁਲਾਬੀ ਰੰਗ। ਅਧਿਕਤਰ ਚਰਿੱਤਰ ਲਾਲ ਅੰਗਰੱਖਾ ਅਤੇ ਲਹਿਰਾਂਦਾ ਹੋਇਆ 'ਉੱਤਰੀਯਮ' ਧਾਰਣ ਕਰਦੇ ਹਨ। ਕ੍ਰਿਸ਼ਨ, ਅਰਜੁਨ ਅਤੇ ਗਰੁੱੜ ਗਹਿਰੇ ਨੀਲੇ ਰੰਗ ਦੇ ਅੰਗਰੱਖੇ ਪਾਉੰਦੇ ਹਨ।

ਪਾਰੰਪਰਿਕ ਪਰਦਰਸ਼ਨ ਅੱਠ ਦਿਨ ਤੱਕ ਚੱਲਦਾ ਹੈ ਅਤੇ ਇਸ ਵਿੱਚ ਕ੍ਰਿਸ਼ਨ ਦੇ ਪੂਰੇ ਜੀਵਨ ਚਰਿੱਤ - ਉਸਦੇ ਜਨਮ ਤੋ ਲੈ ਕੇ 'ਸਵਰਗਰੋਹਣ' ਤੱਕ ਦੇ ਦ੍ਰਿਸ਼ ਪ੍ਰਸਤੁਤ ਕੀਤੇ ਜਾਂਦੇ ਹਨ। ਵਾਦਯ ਜੰਤਰਾਂ ਵਿੱਚ ਮੱਡਲਮ, ਇਲਤਾਲਮ ਅਤੇ ਚੇੰਗਿਲਾ ਸ਼ਾਮਲ ਹਨ। ਹਾਲਾਂਕਿ ਕ੍ਰਿਸ਼ਨਾੱਟਮ ਦੀ ਨ੍ਰਿਤ ਸੱਜਾ ਅਨੌਖੀ ਹੁੰਦੀ ਹੈ ਪਰ ਇਸ ਵਿੱਚ ਕਥਾਕਲੀ ਅਤੇ ਕੂਡੀਯਾੱਟਮ ਅਜਿਹੀ ਰੰਗਮੰਚ ਦੀ ਬਾਰੀਕਿਆਂ ਤੇ ਧਿਆਨ ਦੇ ਕੇ ਨੈਤਿਕ ਮੁੱਲਾਂ ਵੱਲ ਅਧਿਕ ਧਿਆਨ ਦਿੱਤਾ ਜਾਂਦਾ ਹੈ।