ਤੁੱਲਲ ਇੱਕਲ ਪ੍ਰਦਰਸ਼ਨ ਹੈ, ਜਿਸ ਵਿੱਚ ਨ੍ਰਿਤ ਅਤੇ ਦੋਹੇ ਦੇ ਰੂਪ ਵਿੱਚ ਕਹਾਣਿਆਂ ਨੂੰ ਪ੍ਰਸਤੁਤ ਕੀਤਾ ਜਾਂਦਾ ਹੈ। ਮੰਦਰ ਦੇ ਉਤਸੱਵ ਦੇ ਅਵਸਰ ਦੇ ਦੌਰਾਨ ਕਲਾਕਾਰਾਂ ਦੁਵਾਰਾ ਸੰਕੇਤਾਂ ਦੇ ਮਾਧੱਮ ਤੋ ਦੋਹੇ ਦੀ ਵਿਆਖਿਆ ਕੀਤੀ ਜਾਂਦੀ ਹੈ। ਇਸਦੇ ਮੂਲ ਕਥਾਨਕ ਪੁਰਾਣਾਂ ਤੇ ਅਧਾਰਿਤ ਹੁੰਦੇ ਹਨ। ਇਸ ਵਿਅੰਗਮਈ ਕਲਾ ਰੂਪ ਦੀ ਸ਼ੁਰੂਵਾਤ 18ਵੀਂ ਸਦੀ ਵਿੱਚ ਪ੍ਰਸਿੱਧ ਕਵਿ ਕੁੰਚਨ ਨਾੰਬਿਯਾਰ ਦੁਵਾਰਾ ਕੀਤੀ ਗਈ ਸੀ।

ਹਾਸਰਸ, ਵਿਅੰਗ ਅਤੇ ਸਮਾਜਕ ਆਲੋਚਨਾ ਤੁੱਲਲ ਦੀ ਪਹਿਚਾਣ ਹੈ। ਇਸ ਵਿੱਚ ਮੁੱਖ ਸੱਜਾ ਸਾਧਾਰਣ ਹੁੰਦੀ ਹੈ, ਪਰ ਇਸ ਵਿੱਚ ਕਥਾਕਲੀ ਅਜਿਹਿਆਂ ਸਮਾਨਤਾਵਾਂ ਹਨ। ਦੋਹਿਆਂ ਦਾ ਗਾਣ ਕਰਨ ਵਾਲੇ ਗਾਇਕਾਂ ਦੁਵਾਰਾ ਤੁੱਲਲ ਦੇ ਕਲਾਕਾਰ ਨੂੰ ਸੰਗਤੀ ਦਿੱਤੀ ਜਾਂਦੀ ਹੈ ਅਤੇ ਨਾਲ ਹੀ ਮਰਿੰਦਗਮ ਜਾਂ ਥੌੱਪੀ ਮੱਡਲਮ (ਪਿੱਟ ਕੇ ਬਜਾਉਣ ਵਾਲਾ ਵਾਦਯ) ਅਤੇ ਛੈਣੇ ਦੇ ਵਾਦਯਜੰਤਰ ਹੁੰਦੇ ਹਨ। ਤੁੱਲਲ ਦੇ ਤਿੰਨ ਸਬੰਧਿਤ ਰੂਪ ਹਨ - ਓਟਨਤੁੱਲਲ, ਸ਼ੀਤੰਕਨਤੁੱਲਲ ਅਤੇ ਪਰਯਣਤੁੱਲਲ, ਜਿਸ ਵਿੱਚੋ ਪਹਿਲਾ ਸੱਭ ਤੋ ਵੱਧ ਪ੍ਰਸਿੱਧ ਹੈ। ਇਹਨਾਂ ਤਿੰਨਾਂ ਨੂੰ ਇਸਦੇ ਵੱਖ ਵੱਖ ਪਹਿਰਾਵੇ ਅਤੇ ਗਾਏ ਜਾਉਣ ਵਾਲੇ ਦੋਹੇ ਦੇ ਛੰਦਾਂ ਨਾਲ ਪਛਾਣਿਆ ਜਾਂਦਾ ਹੈ।

ਤੁਲੱਲ ਦਾ ਮੰਚਨ ਆਮਤੌਰ ਤੇ ਤਿਉਹਾਰ ਦੇ ਅਵਸਰ ਤੇ ਮੰਦਰ ਦੇ ਵੇਹੜੇ ਵਿੱਚ ਕੀਤਾ ਜਾਂਦਾ ਹੈ। ਇਹ ਅਵਸਰ ਦਰਸ਼ਕਾਂ ਦੇ ਰੂਪ ਵਿੱਚ ਇੱਕਠੇ ਹੋਣ ਵਾਲੇ ਹਜਾਰਾਂ ਲੋਕਾਂ ਨੂੰ ਵਿਚਾਰਕ ਅਵਸਰ ਅਤੇ ਮਨੋਰੰਜਨ ਪ੍ਰਦਾਨ ਕਰਦਾ ਹੈ।