ਕੂਡੀਯਾੱਟਮ ਦਾ ਅਰਥ ਹੈ ''ਨਾਲ ਨਾਲ ਅਭਿਨਯ ਕਰਨਾ''। ਇਹ ਕੇਰਲ ਦਾ ਸੱਭ ਤੋ ਪ੍ਰਾਚੀਨ ਕਲਾ ਰੂਪ ਹੈ। ਦੂਜੀ ਸਦੀ ਦੇ ਭਰਤ ਮੂਣਿ ਦੇ 'ਨਾਟਯਸ਼ਾਸਤਰ' ਤੇ ਅਧਾਰਿਤ ਕੂਡੀਯਾੱਟਮ ਦੀ ਸ਼ੁਰੂਵਾਤ 9ਵੀਂ ਸਦੀ ਵਿੱਚ ਹੋਈ ਸੀ।

ਕੂਡੀਯਾੱਟਮ ਦਾ ਪ੍ਰਦਰਸ਼ਣ ਮੰਦਰ ਦੇ ਅੰਦਰ ਕੀਤਾ ਜਾਂਦਾ ਹੈ। ਮੰਚ ਤੇ ਇੱਕਠੇ ਦੋ ਜਾਂ ਤਿੰਨ ਚਰਿੱਤਰ ਉਪਸਥਿੱਤ ਰਹਿੰਦੇ ਹਨ, ਜਿੱਥੇ ਚੱਕਿਯਰ ਪੁਰਸ਼ ਚਰਿੱਤਰ ਦੀ ਭੂਮਿਕਾ ਨਿਭਾਉੰਦੇ ਹਨ ਅਤੇ ਨੰਗਯਾਰ ਔਰਤ ਚਰਿੱਤਰ ਦੀ ਭੂਮਿਕਾ ਨਿਭਾਉੰਦੇ ਹਨ। ਨੰਗਯਾਰ ਛੈਣਾ ਵਜਾਉੰਦੇ ਹਨ ਅਤੇ ਸੰਸਕ੍ਰਿਤ ਦੇ ਸ਼ਲੋਕ ਗਾਉੰਦੇ ਹਨ ਜਦਕਿ ਪਿੱਛੈ ਨੰਬਿਯਾਰ ਦੁਵਾਰਾ ਮਿਯਵ ਕਹਿਲਾਉਣ ਵਾਲੇ ਪਿੱਤਲ ਦੇ ਵਿਸ਼ਾਲ ਢੋਲ ਵਜਾਏ ਜਾਂਦੇ ਹਨ।

ਸ਼ੇਕਸਪੀਅਰ ਦੇ ਨਾਟਕਾਂ ਦੇ ਫੂਲ (ਬੇਵਕੂਫ) ਦੀ ਤਰ੍ਹਹਾਂ ਵਿਦੂਸ਼ਕ ਹੁੰਦੇ ਹਨ ਜੋ ਬਿਨ੍ਹਾਂ ਡਰੇ ਕਿਸੇ ਵੀ ਵਿਅਕਤੀ ਤੇ ਵਿਅੰਗ ਕਰ ਸਕਦਾ ਹੈ। ਵਿਦੂਸ਼ਕ ਦਾ ਪਹਿਰਾਵਾ ਉਸਨੂੰ ਬਾਕੀ ਚਰਿੱਤਰਾਂ ਤੋ ਵੱਖ ਕਰਦਾ ਹੈ। ਕੂਡੀਯਾੱਟਮ ਦਾ ਪ੍ਰਦਰਸ਼ਨ 6 ਤੋ ਲੈ ਕੇ 20 ਦਿਨਾਂ ਤੱਕ ਚੱਲਦਾ ਹੈ। ਇਸਦੇ ਮੂਲ ਕਥਾਨਕ ਪੁਰਾਣਿਕ ਕਥਾਵਾਂ ਤੇ ਅਧਾਰਿਤ ਹੁੰਦੇ ਹਨ।

ਇਰਿੰਜਾਲਾਕੁੜਾ ਦਾ ਕੂਡਲ ਮਾਣਿੱਕਯਮ ਅਤੇ ਤ੍ਰਿਸ਼ੂਰ ਦੇ ਵਡੱਕੁਮਨਾਥ ਮੰਦਰ ਉਹ ਕੇੰਦਰ ਹਨ, ਜਿੱਥੇ ਅੱਜ ਵੀ ਕੂਡੀਯਾੱਟਮ ਦਾ ਪ੍ਰਦਰਸ਼ਨ ਹਰ ਸਾਲ ਕੀਤਾ ਜਾਂਦਾ ਹੈ। ਅੱਮੰਨੂਰ ਮਾਧਵ ਚੱਕਿਯਰ ਕਲਾ, ਇਸ ਵਿਰਲੀ ਵਿਧਾ ਦੀ ਬੇਮਿਸਾਲ ਵਿਸ਼ੇਸ਼ਤਾ ਹੈ।