ಸೈಲೆಂಟ್ ವ್ಯಾಲಿ ನ್ಯಾಶನಲ್ ಪಾರ್ಕ್, ಪಾಲಕ್ಕಾಡ್

ಸೈಲೆಂಟ್ ವ್ಯಾಲಿ ನ್ಯಾಶನಲ್ ಪಾರ್ಕ್ ಪಾಲಕ್ಕಾಡ್ ಜಿಲ್ಲೆಯ ನೈರಿತ್ಯ ಮೂಲೆಯಲ್ಲಿ ನೆಲೆಯಾಗಿದ್ದು ಇದು 237.52 ಚದರ ಕಿ.ಮೀ. ವಿಸ್ತೀರ್ಣದ ಪ್ರದೇಶವನ್ನು ಹೊಂದಿದೆ. ಇದು ಉತ್ತರದಲ್ಲಿ ನೀಲಗಿರಿ ಪ್ರಸ್ಥಭೂಮಿಗೆ ಪ್ರಾರಂಭವನ್ನು ನೀಡುತ್ತದೆ ಮತ್ತು ದಕ್ಷಿಣದಲ್ಲಿ ಮನ್ನಾರ್‌ಕ್ಕಾಡ್‌ನ ಸ್ಥಳವನ್ನು ಅಣಕಿಸುತ್ತದೆ. ಅತ್ಯಂತ ನಾಜೂಕಾದ ಈ ಹಚ್ಚ ಹಸಿರಿನ ಮಳೆಯ ಅರಣ್ಯಗಳ ಅದ್ವಿತೀಯ ಸಂರಕ್ಷಣೆಯಾಗಿದೆ ಇದು ಹೂವುಗಳ ವೈವಿಧ್ಯಮಯ ನರ್ಸರಿ ಮತ್ತು ಪ್ರಾಣಿ ಸಂಕುಲವಿರುವ ಪ್ರದೇಶವಾಗಿದ್ದು, ಇವುಗಳಲ್ಲಿ ಕೆಲವು ವಿಶ್ವದ ಯಾವುದೇ ಸ್ಥಳದಲ್ಲಿಯೂ ಕಂಡುಬರುವುದಿಲ್ಲ.

ಸೈಲೆಂಟ್ ವ್ಯಾಲಿ ರಾಷ್ಟ್ರೀಯ ಉದ್ಯಾನವನವು ನೀಲಗಿರಿ ಜೀವಗೋಳ ರಕ್ಷಿತಾರಣ್ಯದ ಜೀವಾಳವಾಗಿದೆ. ಸೈಲೆಂಟ್ ವ್ಯಾಲಿ ಎಂಬ ಅದರ ಹೆಸರಿನ ಹೊರತಾಗಿಯೂ (ಇಲ್ಲಿ ಸಿಕಾಡ ಕೀಟಗಳ ಗಮನ ಸೆಳೆಯುವಂತೆ ಕೀರಲುದನಿಯ ಕೋಲಾಹಲವು ಇಲ್ಲದಿದ್ದರೂ) ಇದು ಜೈವಿಕ ವೈವಿಧ್ಯತೆಯ ಭಂಡಾರವಾಗಿದೆ. ಇದು ನಿಜವಾಗಿಯೂ ಜೀವ ವಿಜ್ಞಾನದ ವಿದ್ಯಾರ್ಥಿಗಳಿಗೆ, ವೃತ್ತಿಪರ ವಿಜ್ಞಾನಿಗಳಿಗೆ ಮತ್ತು ಬಯಲು ಜೀವ ವಿಜ್ಞಾನಿಗಳ ನೈಜವಾದ ಈಡನ್ನಿನ ತೋಟವಾಗಿದೆ.

ಇಂತಹ ಪಶ್ಚಿಮ ಘಟ್ಟಗಳ ಜೈವಿಕ ವೈವಿಧ್ಯತೆಯ ಪ್ರಾತಿನಿಧಿಕ ಸಂಗ್ರಹವನ್ನು ಬಹುಷಃ ಇನ್ನೆಲ್ಲೂ ಕಾಣಲಾಗುವುದಿಲ್ಲ – 110 ಸೀತಾಳೆ ಹೂವಿನ ಪ್ರಬೇಧಗಳನ್ನು ಒಳಗೊಂಡಂತೆ 1000 ಕ್ಕೂ ಹೆಚ್ಚಿನ ಹೂಬಿಡುವ ಗಿಡಗಳ ಪ್ರಬೇಧಗಳು, 34 ಕ್ಕೂ ಹೆಚ್ಚಿನ ಪ್ರಬೇಧಗಳ ಸಸ್ತನೆಗಳು, 200 ಕ್ಕೂ ಹೆಚ್ಚಿನ ಪ್ರಬೇಧಗಳ ಚಿಟ್ಟೆಗಳು, 400 ಕ್ಕೂ ಹೆಚ್ಚಿನ ಪ್ರಬೇಧಗಳ ಸಣ್ಣ ಹಾರುಕೀಟಗಳ ಪ್ರಬೇಧಗಳು, ವಿಜ್ಞಾನಕ್ಕೆ ಹೊಸತಾದ 10 ಪ್ರಬೇಧಗಳನ್ನೂ ಒಳಗೊಂಡ 128 ಜೀರುಂಡೆಗಳ ಪ್ರಬೇಧಗಳು, 16 ಸ್ಥಳೀಯಪ್ರಬೇಧಗಳನ್ನೂ ಒಳಗೊಂಡಂತೆ  150 ಪಕ್ಷಿಗಳ ಪ್ರಬೇಧಗಳು ಇಲ್ಲಿವೆ.

ಕುಂತಿ ನದಿಯು ಸಮುದ್ರ ಮಟ್ಟದಿಂದ 2000 ಮೀಟರ್ ಎತ್ತರದ ಮಟ್ಟದಿಂದ ನೀಲಗಿರಿ ಬೆಟ್ಟಗಳಿಂದ ಇಳಿಯಲ್ಪಡುತ್ತದೆ ಮತ್ತು ಇದು ಕಣಿವೆಯ ಸಂಪೂರ್ಣ ಉದ್ದವನ್ನು ಕ್ರಮಿಸುತ್ತದೆ ಮತ್ತು ಆಳವಾದ ಕಳಿವೆಗಳ ಮೂಲಕ ರಭಸವಾಗಿ ಹರಿಯುತ್ತದೆ. ಕುಂತಿ ನದಿಯು ಕಂದು ಬಣ್ಣಕ್ಕೆ ತಿರುಗುವುದಿಲ್ಲ ಮತ್ತು ಇದು ಯಾವಾಗಲೂ ಸ್ಪಟಿಕದಂತೆ ಶುದ್ಧವಾಗಿಯೂ, ಸಾರ್ವಕಾಲಿಕವಾಗಿಯೂ ಮತ್ತು ರುದ್ರ ರಮಣಿಯವಾಗಿಯೂ ಇರುತ್ತದೆ.

ಅರಣ್ಯಗಳಿಂದ ಆಗುವ ಆವಿ ಹೊಮ್ಮುವಿಕೆಯು ಇನ್ಯಾವುದೇ ಮೇಲ್ಮೈಗಿಂತಲೂ ಹೆಚ್ಚಿನ ಪ್ರಮಾಣದಲ್ಲಿ ಇರುತ್ತದೆ. ಇದು ವಾತಾವರಣವನ್ನು ತಂಪಾಗಿರಿಸುತ್ತದೆ, ನೀರಿನ ಆವಿಯ ಸುಲಭವಾದ ಸಾಂಧ್ರತೆಗೆ ಸಹಾಯ ಮಾಡುತ್ತದೆ, ಇದರಿಂದ ಬಯಲು ಪ್ರದೇಶದಲ್ಲಿ ಬೇಸಿಗೆಯಲ್ಲಿ ಮಳೆಯಾಗುತ್ತದೆ.

ವೈಲ್ಡ್ ಲೈಫ್ ವಾರ್ಡನ್ ಸೈಲೆಂಟ್ ವ್ಯಾಲಿ ಡಿವಿಶನ್, ಮನ್ನಾರ್‌ಕ್ಕಡ್ ಪೋಸ್ಟ್, ಪಾಲಕ್ಕಾಡ್, ಕೇರಳ, ಭಾರತ – 678582 ಇಮೇಲ್: ww-svnp@forest.kerala.gov.in

ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು ಸಂಪರ್ಕಿಸಿ, ಮಾಹಿತಿ ಕೇಂದ್ರ: 8589895652

ಅಸಿಸ್ಟೆಂಟ್ ವೈಲ್ಡ್ ಲೈಫ್ ವಾರ್ಡನ್, ಸೈಲೆಂಟ್ ವ್ಯಾಲಿ ನ್ಯಾಶನಲ್ ಪಾರ್ಕ್, ಮುಕ್ಕಲಿ, ಪಾಲಕ್ಕಾಡ್ – 678582 ದೂ: +91 4924 253225

ಹತ್ತಿರದ ರೈಲ್ವೇ ನಿಲ್ದಾಣ: ಪಾಲಕ್ಕಾಡ್, ಸುಮಾರು 69 ಕಿ.ಮೀ. ದೂರದಲ್ಲಿದೆ ಹತ್ತಿರದ ಏರ್‌ಪೋರ್ಟ್: ಕೊಯಮತ್ತೂರು ಅಂತರಾಷ್ಟ್ರೀಯ ಏರ್‌ಪೋರ್ಟ್ (ತಮಿಳು ನಾಡು), ಸುಮಾರು 91 ಕಿ.ಮೀ. ದೂರದಲ್ಲಿದೆ

ಅಕ್ಷಾಂಶ : 11.130066, ರೇಖಾಂಶ : 76.42911