മണ്‍റോ തുരുത്ത്

എട്ടോളം ചെറുദ്വീപുകളുടെ കൂട്ടമാണ് അഷ്ടമുടിക്കായലിലെ മണ്‍റോ തുരുത്ത്. കൊല്ലത്തു നിന്ന് 27 കിലോമീറ്റർ ദൂരമുണ്ട്. ചെറുതോടുകളും, കായലും, കനാലുകളും പരസ്പരം വേര്‍തിരിക്കുന്ന ദ്വീപുകള്‍ തെങ്ങിന്‍ തോപ്പുകളുടെയും മത്സ്യ സമ്പത്തിന്റെയും കേന്ദ്രമാണ്. തിരുവിതാംകൂറിലെ പഴയ റെസിഡന്റ് ആയിരുന്ന കേണല്‍ മണ്‍റോയുടെ പേരിലാണ് ഈ തുരുത്ത് അറിയപ്പെടുന്നത്. കൊല്ലത്ത് ചിതറിക്കിടന്ന പല പ്രദേശങ്ങളെയും കനാലുകൾ നിർമ്മിച്ച് ജലമാര്‍ഗ്ഗം യോജിപ്പിച്ച വ്യക്തിയാണ് കേണല്‍ മണ്‍റോ. ഓണാഘോഷത്തിന്റെ ഭാഗമായി കല്ലടയാറ്റില്‍ നടക്കുന്ന ജലോല്‍സവം ഈ മേഖലയിലെ പ്രധാന ആഘോഷമാണ്. മൺറോതുരുത്തിലൂടെയുളള  ജലയാത്രകള്‍ ഗ്രാമീണ ജീവിതം അടുത്തറിയാനും സ്വച്ഛമായ ഉല്ലാസത്തിനും യോജിച്ചവയാണ്.

രാവിലെ 9.00 ന്  | രണ്ടാമത്തെ യാത്ര ഉച്ചയ്ക്ക് 2.00 ന്

ഒരാള്‍ക്ക് 500 രൂപ വീതം.

DTPC കൊല്ലം ഫോണ്‍ : +91 474 2745625, 2750170

അടുത്തുളള റെയില്‍വേ സ്‌റ്റേഷന്‍ : മണ്‍റോ തുരുത്ത്,  3 കി. മീ. | വിമാനത്താവളം : തിരുവനന്തപുരം അന്താരാഷ്ട്ര വിമാനത്താവളം, 84 കി. മീ.

അക്ഷാംശം : 8.993071 രേഖാംശം : 76.61189