കേരളത്തിലെ മ്യൂസിയങ്ങള്‍, കേരള വിനോദ സഞ്ചാരം

ചരിത്രത്തിന്റെ ഓര്‍മ്മകള്‍ പേറുന്ന വെറും കലവറകള്‍ മാത്രമല്ല മ്യൂസിയങ്ങള്‍. സംഭവങ്ങളുടെയും ഇടപെടലുകളുടെയും സാക്ഷ്യപത്രം കൂടിയാണ്. പുതിയ തലമുറക്കുള്ള പാഠ്യവസ്തുക്കളും വിവരങ്ങളും ചില സന്ദര്‍ഭങ്ങളില്‍ മുന്നറിയിപ്പുകളുമാണവ. കാലങ്ങളിലൂടെ നാം നേടിയ പുരോഗതിയും നമ്മള്‍ ഇനി എങ്ങോട്ട് എന്നതിന്റെ ഉത്തരവും ആണിവ. നന്നായി പരിപാലിക്കപ്പെടുന്നവയാണ് നമ്മുടെ മ്യൂസിയങ്ങള്‍. പ്രദർശനവസ്തുക്കൾ സംബന്ധിച്ച വിവരങ്ങൾ വിശദീകരിച്ചുതരാൻ അംഗീകാരമുള്ള ഗൈഡുകള്‍ മ്യൂസിയങ്ങളില്‍ സന്ദര്‍ശകരുടെ സഹായത്തിനുണ്ട്. പൈതൃക മ്യൂസിയങ്ങള്‍ മുതല്‍ ആര്‍ട്ട് മ്യൂസിയങ്ങള്‍ വരെ, ഞങ്ങളുടെ വിവരശേഖരം കഴിയുന്നത്ര പൂര്‍ണ്ണമാണ്. കൂടുതല്‍ വിവരങ്ങള്‍ക്കുള്ള ലിങ്കുകളും നല്‍കിയിട്ടുണ്ട്.