തീര്‍ത്ഥാടന കേന്ദ്രങ്ങള്‍ അല്ലെങ്കില്‍ കേരളത്തിലെ റിലീജിയസ് ഡെസ്റ്റിനേഷന്‍സ്, കേരള വിനോദ സഞ്ചാരം

നൂറ്റാണ്ടുകളായി വിവിധ മതവിഭാഗങ്ങള്‍ സഹവര്‍ത്തിത്വത്തോടെ വസിക്കുന്ന ലോകത്തെ അപൂര്‍വ്വം പ്രദേശങ്ങളിലൊന്നാണ് കേരളം. കേരളത്തിന്റെ സംസ്കാരത്തിനും ഭാഷക്കും ഓരോ മതവിഭാഗങ്ങളും ഓരോ കാലഘട്ടങ്ങളിലും അവരുടേതായ സംഭാവനകള്‍ നല്‍കിയിട്ടുണ്ട്. അതിന്നും തുടര്‍ന്നു കൊണ്ടിരിക്കുന്നു. ഹിന്ദു ക്ഷേത്രങ്ങള്‍, മുസ്ലീം പള്ളികള്‍, ക്രിസ്ത്യന്‍ ആരാധന കേന്ദ്രങ്ങള്‍ എന്നു തുടങ്ങി ജൈന, ബുദ്ധ ക്ഷേത്രങ്ങള്‍ വരെ കേരളത്തിലുണ്ട്. ഓരോ വിഭാഗങ്ങളിലും പ്രാദേശികമായി വേറിട്ടു നില്‍ക്കുന്ന പാരമ്പര്യങ്ങളും ആരാധനാ രീതികളും ഇവിടെ കാണാം. ആത്മീയാന്വേഷണവും, മതപരമായ അറിവുകള്‍ തേടലും ലക്ഷ്യമിടുന്നവര്‍ക്ക് ഇത് ഒഴിവാക്കാനാകില്ല.