കരിക്കു ദോശ

കേരളീയഭവനങ്ങളിൽ പ്രചാരത്തിലുളള പ്രഭാതഭക്ഷണങ്ങളിൽ ഒന്നാണ് രുചികരവും പോഷണ​ഗുണമുളളതുമായ കരിക്കുദോശ.

ആവശ്യമായ സാധനങ്ങൾ
കുതിർത്ത അരി - 3 കപ്പ്
ചിരകിയ കരിക്ക് - 2 കപ്പ്
കരിക്കിൻവെളളം - 1 കപ്പ്
പഞ്ചസാര - 2 ടേബിൾസ്പൂൺ
ഉപ്പ് - പാകത്തിന്

ഉണ്ടാക്കുന്ന വിധം
കുതിർത്ത അരി കരിക്കിൻവെളളവും കരിക്കും ചേർത്ത് ദോശമാവിന്റെ പാകത്തിന് ​ഗ്രൈൻഡറിൽ അരച്ചെടുക്കുക. തവയിലോ പാനിലോ അല്പം എണ്ണയൊഴിച്ച് ചൂടാക്കി മാവൊഴിച്ച് പരത്തുക. അടച്ചുവെച്ച് ഒരു മിനിറ്റ് കഴിഞ്ഞ് ദോശ തിരിച്ചിടണം. ഒരു മിനിറ്റ് കഴിഞ്ഞ് പാകമായ ദോശ പാത്രത്തിലേക്കു മാറ്റാം. ചൂടോടെ ചട്ണിക്കൊപ്പം വിളമ്പാം.