ആര്‍. ടി. ഡെസ്റ്റിനേഷനുകള്‍

സാമ്പത്തിക ഉത്തരവാദിത്തം, സാമൂഹിക ഉത്തരവാദിത്തം, പാരിസ്ഥിതിക ഉത്തരവാദിത്തം എന്നിങ്ങനെ മൂന്ന് അടിസ്ഥാന ഉത്തരവാദിത്തങ്ങളിലാണ് ഉത്തരവാദിത്ത ടൂറിസത്തിന് രൂപം നല്‍കിയിരിക്കുന്നത്. ഉത്തരവാദിത്ത ടൂറിസം എന്ന ആശയം 1996 മുതലേ ഉണ്ടായിരുന്നെങ്കിലും 2002ലെ കേപ് ടൗണ്‍ പ്രഖ്യാപനത്തിലാണ് ഉത്തരവാദിത്ത ടൂറിസം - അതിന്റെ വസ്തുതകളും ലക്ഷ്യവുമൊക്കെ വ്യക്തമായത്.

വിനോദസഞ്ചാരത്തിന്റെ എല്ലാ മേഖലകളെയും ഉള്‍ക്കൊളളുന്ന ഉത്തരവാദിത്ത ടൂറിസം സാമ്പത്തിക, സാമൂഹിക, പാരിസ്ഥിതിക മേഖലകളില്‍ വിനോദസഞ്ചാരം ഉണ്ടാക്കുന്ന ദോഷകരമായ സ്വാധീനത്തെ പരമാവധി കുറക്കാനാണ് ലക്ഷ്യമിടുന്നത്. അതോടൊപ്പം തദ്ദേശീയരായ ജനങ്ങള്‍ക്ക് സാമ്പത്തികമായി ഗുണം ചെയ്യുന്നതിലൂടെ പ്രാദേശിക സമുദായങ്ങളുടെ ഉന്നമനത്തിനും വഴി തെളിക്കുന്നു. പാരിസ്ഥിതിക, സാംസ്‌കാരിക പൈതൃകത്തെ സംരക്ഷിക്കുന്നതിലൂടെ ലോകത്തിന്റെ ബഹുസ്വരതയെ നിലനിര്‍ത്തുന്നതിന് ഗുണകരമായ സംഭാവനകള്‍ നല്‍കാനും ഉത്തരവാദിത്ത ടൂറിസത്തിന് കഴിയുന്നുണ്ട്.

വൈത്തിരി, വയനാട്

കാടും വന്യജീവികളുമൊരുക്കുന്ന നിഗൂഢവും മായികവുമായ യാത്രാനുഭവമാണ് വയനാടിനെ സഞ്ചാരികളുടെ ഇടയില്‍ പ്രിയപ്പെട്ടതാക്കുന്നത്.

കൂടുതൽ

വൈക്കം

വേമ്പനാട്ടു കായലിനാല്‍ ചുറ്റപ്പെട്ടു കിടക്കുന്ന വൈക്കം സ്വച്ഛമായ ഗ്രാമഭംഗി കൊണ്ടും ഉള്‍നാടന്‍ ജലാശയങ്ങളുടെ സാന്നിധ്യം കൊണ്ടുമാണ് സഞ്ചാരികളെ ആകര്‍ഷിക്കുന്നത്.

കൂടുതൽ

കുമരകം

പച്ചയുടെയും നീലയുടെയും തെളിമയാര്‍ന്ന നിറപ്പകര്‍ച്ചകളാണ് ഒരു സഞ്ചാരിയെ കുമരകത്തേക്ക് ആകര്‍ഷിക്കുക. പച്ചവിരിച്ച കുമരകത്തെ നെല്‍പ്പാടങ്ങളുടെ വിശാലതയിലൂടെയുളള നടപ്പ് ആരെയും ആകര്‍ഷിക്കുന്ന ഒന്നാണ്.

കൂടുതൽ

തേക്കടി

തേക്കടിയിലെ അനുഭവവേദ്യ ടൂര്‍ പാക്കേജിന് പകരം വെക്കാന്‍ മറ്റൊന്നുമില്ല.

കൂടുതൽ

കോവളം

കേരളത്തിലെ മികച്ച ബീച്ചുകളിലൊന്നാണ് കോവളം. പ്രശസ്തിക്കപ്പുറം കോവളത്തിന്റെ ഗ്രാമീണ ജീവിതത്തെ അടുത്തറിയാനുളള അവസരമൊരുക്കുകയാണ് ഈ അനുഭവവേദ്യ ടൂര്‍ പാക്കേജിലൂടെ.

കൂടുതൽ

ബേക്കല്‍

2012ലാണ് ബേക്കലില്‍ ഉത്തരവാദിത്ത ടൂറിസം പ്രവര്‍ത്തനങ്ങള്‍ ആരംഭിക്കുന്നത്. പരീശീലനങ്ങളും വര്‍ക്ക്‌ഷോപ്പുകളും ഒക്കെയായി ഇപ്പോഴും പ്രവര്‍ത്തനങ്ങള്‍ സജീവമാണിവിടെ.

കൂടുതൽ

കണ്ണൂര്‍

2017ലാണ് കണ്ണൂരില്‍ ഉത്തരവാദിത്ത ടൂറിസം പ്രവര്‍ത്തനങ്ങള്‍ ആരംഭിക്കുന്നത്. നിലവില്‍ ഉത്പാദന, സംഭരണ, വിതരണ യൂണിറ്റുകളെ കണ്ടെത്തുന്ന പ്രവര്‍ത്തനമാണിവിടെ നടക്കുന്നത്.

കൂടുതൽ

അമ്പലവയല്‍, വയനാട്

വയനാട്ടിലെ അമ്പലവയലില്‍ 2012ലാണ് ഉത്തരവാദിത്ത ടൂറിസം പ്രവര്‍ത്തനങ്ങള്‍ ആരംഭിച്ചത്. അതിനും വളരെ മുമ്പുതന്നെ നെല്ലറച്ചാലിലെ ഗ്രാമീണ ജീവിതം കണ്ടറിയാന്‍ ലോകത്തിന്റെ പലഭാഗത്തുനിന്നും സഞ്ചാരികള്‍ എത്താറുണ്ട്.

കൂടുതൽ

കോഴിക്കോട്

വടക്കന്‍ കേരളത്തിന്റെ കിരീടത്തിലെ പൊന്‍തൂവലായാണ് കോഴിക്കോട് അറിയപ്പെടുന്നത്. കോഴിക്കോടിന്റെ ഇനിയും അറിയപ്പെടാത്ത മനോഹരപ്രദേശങ്ങളിലേക്ക് യാത്രികരുടെ ശ്രദ്ധ ക്ഷണിക്കാനാണ് ഉത്തരവാദിത്ത ടൂറിസം മിഷന്‍ ലക്ഷ്യമിടുന്നത്.

കൂടുതൽ

അയ്മനം

കോട്ടയം ജില്ലയുടെ പ്രാന്തപ്രദേശത്ത് സ്ഥിതി ചെയ്യുന്ന ഗ്രാമമായ അയ്മനത്തിന് പറയാന്‍ സവിശേഷമായൊരു കഥയുണ്ട്. ആരെയും മോഹിപ്പിക്കുന്ന പ്രകൃതിഭംഗിയും സാംസ്‌കാരിക വൈവിധ്യവും സ്വന്തമായുളള അയ്മനം സഞ്ചാരികള്‍ അധികമായി വന്നെത്താത്ത സ്ഥലമാണ്.

കൂടുതൽ

പൊന്നാനി

നഗരത്തിരക്കുകളില്‍ നിന്നകലെയായി, മലപ്പുറത്തിന്റെ തീരദേശത്തിന് ശാലീനചാരുത പകരുന്ന ഗ്രാമമാണ് പൊന്നാനി. പുരാതന തീര്‍ത്ഥാടനകേന്ദ്രങ്ങള്‍ ഈ ഗ്രാമത്തിന് വിശുദ്ധമായൊരു ശാന്തി പകരുന്നു.

കൂടുതൽ

മടവൂര്‍പ്പാറ

മേഘങ്ങള്‍ അതിരിടുന്ന മലയോര വിനോദസഞ്ചാര കേന്ദ്രങ്ങളും പ്രശസ്തമായ ബീച്ചുകളും തിരുവനന്തപുരത്തെ വിനോദസഞ്ചാരികളുടെ പ്രിയപ്പെട്ട ഇടമാക്കി മാറ്റുന്നു.

കൂടുതൽ

പുതിയ ആർ. ടി. ഡെസ്റ്റിനേഷനുകള്‍