ഉത്സവ പാക്കേജുകള്‍
കേരളത്തിലെ ഉത്സവങ്ങളെ അടിസ്ഥാനമാക്കിയാണ് ടൂര്‍ പാക്കേജുകള്‍ ഒരുക്കിയിട്ടുളളത്. ഓണക്കാലത്ത് ഉത്തരവാദിത്ത ടൂറിസം മിഷന്‍ ഒരുക്കിയ പ്രത്യേക പാക്കേജാണ് 'നാട്ടിന്‍പുറങ്ങളില്‍ ഓണമുണ്ണാം ഓണസമ്മാനങ്ങള്‍ വാങ്ങാം' പദ്ധതി. തദ്ദേശീയ സമൂഹങ്ങളും ഉത്തരവാദിത്ത ടൂറിസം യൂണിറ്റുകളും വഴിയാണ് ഈ പദ്ധതി നടത്തുന്നത്. ഇതുവഴി സഞ്ചാരികള്‍ക്ക് ഓണമെന്ന കേരളീയ ആഘോഷത്തെ അടുത്തുനിന്ന് അറിഞ്ഞനുഭവിക്കാനുളള അവസരം ലഭിക്കുന്നു. ഈ പദ്ധതിയിലൂടെ തദ്ദേശീയരായ ചെറുകിട വ്യാപാരികള്‍ക്കും കലാകാരന്മാര്‍ക്കും കരകൗശല വിദഗ്ധര്‍ക്കുമെല്ലാം പ്രയോജനവും ലഭിക്കുന്നു.
മറ്റൊന്ന് 'ഓണം സ്‌പെഷ്യല്‍ ഗ്രാമയാത്ര'കളാണ്. ഇതുവഴി നാട്ടിന്‍പുറങ്ങളിലെ സാംസ്‌കാരിക ക്ലബുകളും റസിഡന്‍ഷ്യല്‍ അസോസിയേഷനുകളും നടത്തുന്ന വിവിധതരം ഓണപ്പരിപാടികള്‍, കളികള്‍ എന്നിവയിലൊക്കെ പങ്കെടുക്കാനുളള അവസരം സഞ്ചാരികള്‍ക്ക് ലഭിക്കുന്നു. പ്രദേശത്തെ ഉത്തരവാദിത്ത ടൂറിസം സംരംഭങ്ങളില്‍ നിന്നുളള ഓണസമ്മാനമാണ് ഇവര്‍ക്ക് നല്‍കുന്നത്.
