തെയ്യം

ത്രസിപ്പിക്കുന്ന നിറവും കൗതുകമുണര്‍ത്തുന്ന മെയ്യാഭരണ വിഭൂഷകളും ചടുലമായ ചുവടുകളും കൊണ്ട് കാണികളെ മാസ്മരലോകത്തേക്ക് കൈപിടിച്ചുയര്‍ത്തുന്ന കലാരൂപമാണ് തെയ്യം. അനുഷ്ഠാനപരമായ നൃത്തച്ചുവടുകളിലൂടെ തെയ്യം വര്‍ണിക്കുന്നത് ഐതിഹാസികവും പൗരാണികവുമായ കഥകളാണ്. വടക്കന്‍ കേരളത്തിന്റെ ഈ കലാരൂപത്തിന് നൂറ്റാണ്ടുകളുടെ പഴക്കമുണ്ട്. നിഗൂഢമായൊരു വശ്യത നിറയുന്ന ഈ കലാരൂപത്തിന് നാനൂറിലേറെ രൂപഭേദങ്ങളുമുണ്ട്.