இரயில் மூலம் சபரிமலைக்குச் செல்வது எப்படி?

சபரிமலைக்கு பிற நகரங்களை இணைக்கும் நேரடி இரயில் பாதை இல்லை, ஆனால் கோயிலுக்கு அருகில் ஒரு சில இரயில் நிலையங்கள் உள்ளன. கோட்டயம், திருவல்லா மற்றும் செங்கன்னூர் ஆகியவை அருகாமையில் உள்ள இரயில் நிலையங்கள் ஆகும், இவை சபரிமலையில் இருந்து சுமார் 90 கிலோமீட்டர் தொலைவில் அமைந்துள்ளன. கேரளாவிற்கு வெளியே, மங்கலாபுரம், பெங்களூரு, கோயம்புத்தூர், ஹைதராபாத், மும்பை மற்றும் டெல்லி போன்ற இடங்களில் இருந்து வரும் புனிதப் பயணிகளுக்கு, கோட்டயம் இரயில் நிலையம் வந்து இறங்குவது மிகவும் வசதியாக இருக்கும். திருவல்லா மற்றும் செங்கன்னூர் நிலையங்களும் சபரிமலைக்கு எளிதாகச் செல்ல உதவக்கூடியவை. 

சில இரயில்கள் கோட்டயத்தின் வடமேற்கில் அமைந்துள்ள எர்ணாகுளத்துடன் தங்கள் பயணத்தை முடித்துக்கொள்கின்றன. எர்ணாகுளத்தில் இறங்கும் புனிதப் பயணிகள் வேறொரு இரயில் பிடித்து, சுமார் 1½ மணிநேரம் கூடுதலாகப் பயணித்து கோட்டயம் வந்தடைய வேண்டும். அவர்கள் சாலை மார்க்கமாகவும் சபரிமலைக்கு வரலாம். எர்ணாகுளத்திலிருந்து ஆலப்புழா வழியாக கொல்லம் அல்லது திருவனந்தபுரம் வரும் சில இரயில்கள் கோட்டயத்திற்கு வராது. இந்த இரயில்களில் பயணிக்கும் புனிதப் பயணிகள் ஆலப்புழாவில் இறங்கி, அங்கிருந்து சாலை மார்க்கமாக சங்கனாச்சேரி மற்றும் எருமேலி வழியாக வந்தடைய வேண்டும், அல்லது, காயம்குளத்தில் இறங்கி அங்கிருந்து சாலை மார்க்கமாக அடூர் வழியாக வந்தடைய வேண்டும். இரண்டு நிகழ்வுகளிலும் சாலை மார்க்கமாகப் பயணிக்க வேண்டிய தூரம் சுமார் 125 கிலோமீட்டர் ஆகும். திருவனந்தபுரத்திலிருந்து இரயில் மூலம் வரும் புனிதப் பயணிகளுக்கு, திருவல்லா அல்லது செங்கன்னூர் நிலையங்கள் இறங்குவதற்கான சிறந்த நிலையங்களாக இருக்கும், அங்கிருந்து சபரிமலை செல்ல சாலை மார்க்கமாக சுமார் 90 கிமீ தூரம் பயணிக்க வேண்டும்.