நாயாட்டு விளி

நாயாட்டு விளி என்பது மகரவிளக்கு உற்சவத்தின் ஒரு பகுதியாக சபரிமலையில் நடத்தப்படுகின்ற அரிதான மற்றும் முக்கியமான சடங்கு ஆகும். இந்தச் சடங்கு ஐயப்ப புராணத்தை வசன வடிவில் கூறுவதை உள்ளடக்குகின்றது.  மணிமண்டபத்தில் நடைபெறும் களமெழுத்து சடங்கு மற்றும் அத்தாழ பூஜைக்குப் பிறகு மாளிகைப்புரத்திலிருந்து எழுநல்லாத்து (ஊர்வலம்) தொடங்குகின்றது. அதன் பின் தொடர்ச்சியாக நான்கு நாள்களுக்கு நாயாட்டு விளியுடன் சுவாமி ஐயப்பன் பதினெட்டாம்படி (18 படிகள்) ஏறுகிறார்.

ஊர்வலம் பதினெட்டாம்படியை (18 படிகள்) அடைந்தவுடன், பங்கேற்பாளர்கள் கோயிலுக்கு முன்னால் நின்றுகொண்டு நாயாட்டு விளியை ஓதுகின்றனர், இது நிலைப்பாட்டை அறிவிப்பதாக உள்ளது. சுவாமி ஐயப்பன் வேட்டைக்குச் செல்லும்போது, அவருடன் செல்பவர்கள் உரக்கக் கூச்சலிட்டுக்கொண்டு அவருக்கு முன்னால் நடந்து செல்லும்போது நாயாட்டு விளி மேற்கொள்ளப்படுகின்றது. இந்தச் சடங்கு, வணங்குதல் முதல் அர்ப்பணம் வரை, சுவாமி ஐயப்பனின் வரலாற்றை விவரிக்கின்ற 576 செயல்பாடுகளை உள்ளடக்குகின்றது. இந்தப் பாராயணத்தின்போது, கதையின் ஒவ்வொரு நிலையிலும் பங்கேற்பாளர்கள் “ஓஹோய்” என்று விளிக்கின்றனர் மற்றும் “சுவாமி” என்று ஓதுகின்றனர்.

நாயாட்டு விளி குழுவானது பள்ளிவேட்டை குருப்பு உட்பட 12 உறுப்பினர்களைக் கொண்டதாகும். நாயாட்டு விளி தென் திசை நோக்கி நடத்தப்படுகின்றது, சுவாமி ஐயப்பனின் ஊர்வலம் மேற்குத் திசையை நோக்கி உள்ளது. இந்தச் சடங்கு சுமார் அரை மணி நேரம் நீடிக்கின்றது, இதில் பந்தளம் அரண்மனையின் பிரதிநிதி மற்றும் தேவஸ்வம் அதிகாரிகள் பார்வையாளர்களாகக் கலந்துகொள்கின்றனர்.

ஐந்தாம் நாளன்று, நாயாட்டு விளியுடன் ஊர்வலம் சரம்குத்திக்குச் செல்கின்றது. பெருநாடு புன்னமூடைச் சேர்ந்த பெருமாள் பிள்ளை குடும்பம் நாயாட்டு விளியை நடத்துவதற்கான பாரம்பரிய உரிமையைப் பெற்றுள்ளது, இந்த முன்னுரிமை பந்தளம் மன்னரால் வழங்கப்பட்டதாக நம்பப்படுகின்றது. இந்தக் குடும்பம் பாண்டி பிராந்தியத்தில் இருந்து மன்னரால் அழைத்து வரப்பட்டதாகக் கூறப்படுகின்றது. சபரிமலை சடங்குகளுக்குப் பிறகு, பெருநாடு காக்காடு கோயிக்கல் கோயிலிலும் நாயாட்டு விளி மேற்கொள்ளப்படுகின்றது