రోడ్డు ద్వారా శబరిమలను ఎలా చేరుకోవాలి?

కర్ణాటక రాష్ట్రం నుండి మంగళూరు లేదా మైసూరు మీదుగా వచ్చే భక్తులు కేరళ మధ్య భాగంలోని త్రిష్షూర్ పట్టణానికి రావచ్చు. ఆ తర్వాత మూవాట్టుపుళ -కొట్టయం రోడ్డు మీదుగా శబరిమలకు చేరుకోవచ్చు. ఇది త్రిష్షూర్ నుండి శబరిమలకు 210 కిలోమీటర్ల దూరంలో ఉంది.

తమిళనాడు లేదా ఆంధ్రప్రదేశ్ నుండి భక్తులు కోయంబత్తూర్ లేదా గూడలూర్ మీదుగా త్రిష్షూర్ చేరుకోవచ్చు. తమిళనాడు రాష్ట్రంలోని మధ్య ప్రాంతాల నుంచి వచ్చే భక్తులు మదురై మీదుగా లేదా కుమిలి (కుమలి) మీదుగా శబరిమల చేరుకోవచ్చు. మదురై నుంచి రోడ్డు మార్గంలో సుమారు 250 కిలోమీటర్లు ప్రయాణించి ఈ ఆలయానికి చేరుకోవచ్చు.

దక్షిణ తమిళనాడులోని నాగర్‌కోవిల్ (నాగర్‌కోయిల్) వంటి ప్రాంతాల నుంచి వచ్చే యాత్రికులకు తిరువనంతపురం - కొట్టారక్కర - మరియు అడూర్ మీదుగా శబరిమల చేరుకోవచ్చు. శబరిమల నాగర్‌కోవిల్‌కు 250 కిలోమీటర్ల దూరంలో ఉంది. భక్తులు తిరువనంతపురం నుంచి NH 47 (NH 66) ద్వారా కొల్లం, కాయంకుళం, మావేలిక్కర, చెంగన్నూర్ లేదా తిరువల్ల మీదుగా కూడా ప్రయాణం చేయవచ్చు. 

తమిళనాడులోని షెంకోట్టై నుంచి వచ్చే యాత్రికులు పునలూ‌ర్‌కు వచ్చి, రాన్ని మరియు ఎరుమేలి మీదుగా శబరిమల చేరుకోవచ్చు. ఎర్నాకుళం నుండి రోడ్డు మార్గంలో వచ్చే యాత్రికులు వైక్కం - ఎట్టుమానూర్ మార్గం గుండా కొట్టయం చేరుకుని, అక్కడి నుండి కంజిరపల్లి - ఎరుమేలి మార్గం గుండా శబరిమల చేరుకోవచ్చు. మొత్తం దూరం 165 కి.మీ.

ఆలప్పుజా (ఆలప్పుళ) నుండి వచ్చే వారు శబరిమలకు చంగనాశ్శేరీ - ఎరుమేలి మార్గం ద్వారా రోడ్డు మార్గం ద్వారా చేరుకోవచ్చు. ఆలప్పుజా నుంచి ప్రయాణించే యాత్రికులు తిరువల్ల, కోజెంచెరి, పత్తనంతిట్ట మీదుగా రోడ్డు మార్గం ద్వారా 125 కిలోమీటర్ల దూరంలో ఉన్న శబరిమలకు చేరుకోవచ్చు.

శబరిమలకు చేరుకోవడానికి భక్తులు మూడు ప్రధాన మార్గాలను ఎంచుకోవచ్చు - ఎరుమేలి మార్గం, వండిపెరియార్ మార్గం మరియు చాలక్కయం మార్గం. ఎరుమేలి మార్గంలో రెండు దశలు ఉన్నాయి - ఒకటి ఎరుమేలి నుండి పంబా వరకు మరియు రెండవది పంబా నుండి సన్నిధానం వరకు. మొత్తంగా ఈ మార్గం పొడవు 61 కి.మీ. వండిపెరియార్ మార్గం మొత్తం 95 కి.మీ. పంబా చేరుకున్న తర్వాత భక్తులు సన్నిధానానికి చేరుకోవాలంటే కొండపైకి ఎక్కాల్సి ఉంటుంది. వీటిలో అత్యంత సులువైన మార్గం పంబా నదికి సమీపంలో ఉన్న చాలక్కయం మార్గం.