పంగుని (పైన్కుని) ఉత్సవం

శబరిమలలో జరిగే వార్షిక ఉత్సవం, పంగుని (పైన్కుని) ఉత్సవాన్ని, మలయాళ మాసం మీనంకు సమానమైన తమిళ మాసం పంగుని (పైన్కుని) (మార్చి - ఏప్రిల్) లో జరుగుతుంది. ఈ పది రోజుల ఉత్సవం పళ్ళివేట్ట (సాంప్రదాయంగా ఉండే వేట) మరియు ఆరాట్ట్ (పవిత్ర స్నానం) వంటి కార్యక్రమాలతో జరుపుకుంటారు. ఈ వేడుకలు ధ్వజారోహణతో ప్రారంభం అవుతాయి.

కొడికూర పూజ, కొడిమర పూజ మరియు కొడియేట్ పూజ తరువాత కొడియేట్ ప్రారంభం అవుతుంది. దీని తరువాత ధ్వజస్తంభం వద్ద దీపారాధన జరుగుతుంది. ఉత్సవ సమయంలో, ప్రతిరోజూ శ్రీ భూత బలి మరియు ఉల్సవ బలిల తోపాటుగా ఇతర ప్రత్యేక పూజలను నిర్వహిస్తారు.

తొమ్మిదవ రోజు సన్నిధానం నుంచి పంబా వరకు పళ్ళివేట్ట ఊరేగింపు కొనసాగుతుంది. అయ్యప్ప జన్మ నక్షత్రం ఉత్రం (ఉత్తర ఫల్గుని) గౌరవార్థం ఈ ఆరాట్టని నిర్వహిస్తారు. ఆరాట్ట్ తరువాత, విగ్రహాన్ని పంబా గణపతి ఆలయంలోని పజుక్క మండపంలో ఉంచి భక్తులు పూజలు చేస్తారు.