దైవత్వానికి ప్రశాంతమైన మార్గం

ఇది సాధారణంగా ఉపయోగించే రూట్ కాకపోవచ్చు, కానీ సన్నిధానం చేరుకునేందుకు ఇది ఆసక్తికరమైన యాత్ర మార్గం. వండిపెరియార్, కేరళలోని ఇడుక్కి జిల్లాలో ఒక చక్కని పల్లెప్రాంతం. కొట్టయం-కుమిలి (కుమలి) రోడ్డులోని ప్రాముఖ్యమైన పాయింట్లలో ఒకటైన వండిపెరియార్, శబరిమలకు ప్రయాణించేందుకు ఉత్తమ మార్గాల్లో ఒకటి.

వండిపెరియార్ నుంచి శబరిమలకు చేరుకోవడానికి రెండు మార్గాలు ఉన్నాయి. ముఖ్యమైన మార్గం కోషిక్కానం (కోళిక్కానం ), పుల్లుమేడ్, ఉప్పుపార మరియు ఉరల్క్కుషీ (ఉరల్క్కుళీ) తీర్థం వంటి ప్రాంతాల మీదుగా సాగుతుంది. మరో దారి వండిపెరియార్ నుంచి మౌంట్ ఎస్టేట్ వరకు ఉంటుంది, అక్కడి నుంచి నడిచి సన్నిధానానికి చేరుకోవచ్చు.

కేరళ రాష్ట్ర రోడ్డు రవాణా సంస్థ (KSRTC) బస్సులు లేదా ప్రైవేట్ జీప్‌ల ద్వారా వండిపెరియార్ నుంచి ఉప్పుపారకు చేరుకోవచ్చు. ఆ తర్వాత భక్తులు పాండి తావళం మీదుగా శబరిమల చేరుకోవాలి. శబరిమలకు వెళ్లే యాత్రికులకు పాండి తావళం అనేది ప్రధాన విశ్రాంతి స్థలం. ఆ తరువాత, యాత్రికులు వల్లకడవ్ మరియు కోషిక్కానం (కోళిక్కానం ) మీదుగా పుల్లుమేడ్ చేరుకుని సన్నిధానానికి వెళ్ళవచ్చు.

ఇతర రాష్ట్రాల నుండి వచ్చే యాత్రికులకు శబరిమల అయ్యప్ప సన్నిధికి చేరుకోవడానికి వండిపెరియార్ మార్గం ఇప్పుడు సౌకర్యవంతమైన మార్గంగా ప్రాచుర్యం పొందింది.