काक्कारिशी नाटकम्  हे एक प्रहसनात्मक नृत्य नाट्य असून हे शंकरांच्याव त्यांची अर्धांगिनी पार्वती हिच्या पुराणकथांवर आधारलेले असते आणि यात ते मानवी रूपात कक्कलन आणि कक्कथी – आदिवासी भविष्य सांगणारी जमात म्हणून अवतरतात. दंतकथा ही नाट्याची केवळ बाह्य रूपरेषा असते आणि त्यात वर्तमान समाजातल्या प्रसंगांवर प्रहसनात्मक टीका केलेली दिसते. भाषा ही तामिळ आणि मल्याळमचे मिश्रण असते. मुख्य पात्रे असतात, कक्कलन, कक्कथी, वेदन, वेलिचप्पडु, थम्पुरान आणि सगळीकडे असणारा विदूषक. ढोलक, गनचिरा, चेन्दा आणि हार्मोनियम यांसारखी वाद्ये पार्श्वसंगीत वाजवतात.