आनामुडी शिखराच्या जवळच असलेले माट्टूपेटी हे मुन्नारमधील बागायतीने युक्त अशा पर्वतरांगांच्या कुशित वसलेले आहे. मुन्नारमधील प्रसिद्ध पर्वतीय शहरामध्ये स्थित माट्टूपेटी हे मुन्नारपासून 13 किमी दूर आणि 1700 मीटर उंचावर वसलेले असून निसर्गप्रेमींसाठी जणू हे एक वरदानच आहे.

माट्टूपेटीमध्ये मनाला मोहवून टाकणारी अनेक रमणीय स्थळे आहेत. हिरव्यागार चहाच्या मळ्यांखेरीज येथे उंचसखल अशी गवताची मैदाने आहेत. याशिवाय माट्टूपेटीच्या आजूबाजूला पसरलेली शोला वने ही ट्रेकिंगसाठी उपयुक्त आहेत, हे स्थान विविध प्रकारच्या पक्षांचे निवासस्थान आहे. येथे ठिकठिकाणी झरे आणि ओढे पहावयास मिळतात, ज्यामुळे हे स्थान अधिकच आकर्षक बनले आहे.

माट्टपेट्टी मधील प्रमुख आकर्षण आहे येथील सुंदर तलाव आणि माट्टूपेट्टी धरण, जे एक आदर्श असे सहलीचे ठिकाण आहे. डिस्ट्रिक्ट टूरिझम प्रमोशन काउन्सिल (DTPC) म्हणजेच जिल्हा पर्यटन विकास परिषद, इडुक्की द्वारा माट्टूपेटी धरणावर नौकाविहाराची सुविधा उपलब्ध करुन दिली जाते. येथे स्पीड लॉन्च, स्लो स्पीड बोटी आणि मोटरबोटी भाड्याने दिल्या जातात. आसपासच्या अन्य प्रेक्षणीय स्थळांमध्ये नयनाभिराम कुंडला चहाची बागायत आणि कुंडला तलाव आहे.

माट्टूपेट्टीच्या प्रमुख आकर्षणांपैकी एक आहे इंडो –स्विस पशुधन परियोजना किंवा इंडो –स्विस लाईव्ह्स्टॉक प्रोजेक्ट्द्वारा संचालत डेअरी उद्योग. अधिक प्रमाणात दूध देणार्याट अनेक जातींच्या गायी असणारा हा डेअरी उद्योग खरोखरच अद्वितीय आहे.

येथे पोहोचण्यासाठी:
रस्त्याद्वारा: मुन्नारपासून केवळ  13 किमी वाहन दूरीवर.

• जवळचे रेल्वे स्टेशन: एर्नाकुलम्, मुन्नारपासून साधारण  130 किमीअंतरावर
• जवळचा विमानतळ: कोचिन आंतरराष्ट्रीय विमानतळ, मुन्नारपासून साधारण  110 किमी अंतरावर.