कन्नूरमध्ये, मनोरम जलाशय कव्वयी कायल हे कदाचित तुमचे यानंतरचे आणि केरळ बॅकवॉटरमधील सर्वात सुंदर असे ठिकाण असू शकते. दक्षिण केरळमधील बॅकवॉटर ठिकाणांचे जसे कोल्लम् भोवतीची आणि अलप्पुझा यांची स्वतःची अनोखी आकर्षणे आहेत. कव्वयी कायलमध्येही अशी वैशिष्ट्ये आहेत की तुम्ही त्याच्या अगदी प्रेमात पडाल. 

कव्वयी कायलच्या काठावर तुम्ही नुसतेच चालू शकता किंवा एखाद्या कंट्री बोटमध्ये बसून सभोवतालची हिरवळ पहात शीतल वाऱ्याचा आस्वाद घेऊ शकता. या बॅकवॉटर क्षेत्रात अनेक मजेदार ठिकाणे आणि अनुभव आहेत जी तुम्हाला खिळवून ठेवतील. कव्वयी कायल किंवा कव्वयीचे बॅकवॉटर म्हणून स्थानिक पातळीवर ओळखले जाणारे उत्त्तर केरळचे थोडे अप्रसिद्ध असे हे बॅकवॉटर पाच नद्यांपासून तयार झाले आहे, कव्वयी नदी आणि तिच्या उपनद्या, कन्कोल, वन्नतीचल, कुप्पितोडू कुनियन..

जैवमंडलीय दृष्टिकोणातून कव्वयीचे बॅकवॉटर आणि भोवतालचा परिसर महत्त्वाचा मानला गेला आहे. या बॅकवॉटर आणि जलीयप्रदेशात अनेक वनस्पती आणि प्राण्यांचे आश्रयस्थान आहे. 

कव्वयी बॅकवॉटरमधील आणखीन एक आकर्षक गोष्ट म्हणजे साधारण अर्धा डझन लहान मोठी बेटे. कव्वयी येथील बॅकवॉटर हे उत्तर केरळमधील सर्वात मोठा जलीय प्रदेश आहे ज्याचा विस्तार साधारण 37 चौरसकिमी एवढा आहे.

कोट्टी कोट्टप्पुरम्‍पासूनची बोट राईड कव्वयी या जलीय प्रदेशाचे सौंदर्य दाखवून देते.

येथे पोहोचण्यासाठी:

• जवळचे रेल्वे स्थानक: पय्यन्नुर, साधारण 4 किमी
• जवळचा विमानतळ: करिपूर, कन्नूरपासून 93 किमी