कोचीच्या इतिहासातील महत्त्वाची घटना म्हणजे सन 1341 मध्ये आलेला पूर. यामुळे कोचीचे नदीमुख उघडे पडले आणि जो भाग तोपर्यंत जमिनीने अडवलेला होता तो जगातील सर्वोत्त्तम बंदरांपैकी एक झाला. जगभरातील सागरी पर्यटकांसाठी हे नंदनवन बनले आणि जेव्हा 15 व्या शतकात पोर्तुगीज आल्यानंतर ही भारतातील पहिली युरोपीय वसाहत बनली. 

डचांनी कोची किल्ल्याचा ताबा पोर्तुगीजांकडून 1663 साली मिळवला आणि वसाहत काळाच्या शेवटी 1795 मध्ये ब्रिटिशांनी तो प्रदेश जिंकून घेतला. 1660 च्या दशकात, कोची किल्ला हे महत्त्वाचे व्यापारी केंद्र बनले आणि त्याची ख्याती एक व्यापारी केंद्र, महत्त्वाचा सैनिकी तळ, जहाजबांधणी केंद्र आणि ख्रिस्ती धर्माचे केंद्र म्हणून दूरवर पोहोचली. आज, शतकांनंतर, या शहरात जवळजवळ 13 प्रकारचे समाज राहतात.

कोचीमधील आकर्षणाची ठिकाणे म्हणजे चायनीज मासेमारी जाळी, वास्को द गामा स्क्वेअर, सॅन्टा क्रुझ बेसिलिका, सेंट फ्रान्सिस चर्च, व्हीओसी गेट आणि बेस्टियन बंगला

चायनीज मासेमारी जाळे टीक वूडवर आणि बांबूच्या खांबांवर संतुलन तत्त्वावर उभारलेले असते. नोंदींनुसार, 1350 ते 1450 मध्ये ही येथे प्रथम लावण्यात आली. वास्को द गामा स्क्वेअर या किनाऱ्याला समांतर ठिकाणी ही जाळी खाली झुकवून समुद्रातून बाहेर काढलेली असतात.

सॅन्टा क्रूझ बेसिलिका हे चर्च पोर्तुगीजांनी बांधले होते आणि पोप पॉल 4 यांनी 1558 मध्ये जीर्णोद्धार केला होता. डच आक्रमकांनी अनेक ख्रिस्ती वास्तू नष्ट केल्या परंतु ही वास्तू वाचली. नंतर ब्रिटिशांनी ही वास्तू पाडून बिशप डॉम गोमेझ वरेरा यांनी 1887 मध्ये नवीन वास्तू उभारली. 1905 मध्ये स्थापन झाल्यानंतर सॅन्टा क्रूझला पोप जॉन पॉल 2 यांनी 1984 मध्ये बॅसिलिका म्हणून घोषित केले.

फोर्ट कोची हे भारतातील सर्वात प्राचीन चर्चेसपैकी एक सेंट फ्रान्सिस चर्चचेही ठिकाण आहे. 1503 ते 1663 मध्ये पोर्तुगीज काळात हे रोमन कॅथलिक चर्च होते, नंतर 1664 ते 1804 पर्यंत डच रिफॉर्मिस्ट चर्च आणि 1804 ते 1947 पर्यंत एंग्लिकन चर्च होते. आज याचे अनुशासन चर्च ऑफ साउथ इंडिया (सीएसआय) द्वारे होते. या चर्चच्या बाबतीत दुसरे एक वास्तव म्हणजे, वास्को द गामा जो 1524 मध्ये मरण पावला, त्याचे मर्त्य अवशेष 14 वर्षांनंतर पोर्तुगालला परत पाठवेपर्यंत त्याचे येथेच दफन केले होते. फोर्ट कोची येथील प्रत्येक रचना, प्रत्येक रस्ता, दारे, खिडक्या आणि विटा सर्वांकडे एक कथा आहे.

अनेक ऐतिहासिक आणि सांस्कृतिक मुख्य स्थळांखेरीज, कोचीमध्ये आहेत अनेक रेस्टॉरन्ट्स जी ताजे मासळीचे पदार्थ देतात आणि जी पर्यटकांमध्ये खूप प्रसिद्ध आहेत.

येथे पोहोचण्यासाठी:
फोर्ट कोचीला बस किंवा फेरी बोटीने जाता येते. 13 किमी दूर असलेल्या एर्नाकुलमपासून तासाभराचा बसप्रवास आहे आणि एर्नाकुलम येथील मुख्य बोट जेट्टीपासून फेरी बोटीने 20 मिनिटांत पोहोचता येते.

• जवळचे रेल्वे स्थानक: एर्नाकुलम्  मुख्य बोट जेट्टीपासून साधारण 10 कि.मी.
• जवळचा विमानतळ: कोचीन आंतरराष्ट्रीय विमानतळ, साधारण 20 कि.मी.