अप्पमसाठी आवश्यक सामग्री

• कच्चे तांदूळ – 1/2 किलो
• नारळ(किसलेला)- 1 पूर्ण.
• यिस्ट-1/2 चहाचा चमचा
• मीठ –चवीनुसार
• साखर -3 चहाचे चमचे
• शिजलेला भात-  1/2 कप

अप्पम बनविण्याची कृती
प्रथम तांदूळ साधारणतः चार तास पाण्यामध्ये भिजवून घ्या आणि त्यानंतर त्यातील सर्व पाणी काढून घ्या.नंतर शिजलेला भात घ्या आणि किसलेल्या नारळाबरोबर त्याचे मिश्रण मिक्सरमधून वाटून घ्या. ऊकळत्या पाण्यात यिस्ट,मीठ आणि साखर घाला आणि साधारण अर्धा तास तसेच ठेवा. आता हे मिश्रण वाटलेल्या मिश्रणात मिसळा. हे मिश्रण आंबण्यासाठी आठ तास तसेच ठेवून द्या. एका निर्लेपच्या भांड्यात हे मिश्रण पसरवा. त्याला थोडे अधिक पसरवा.

भांड्यातून अप्पम बाहेर काढा आणि गरमगरम खायला वाढा. हाच पदार्थ तुम्ही चिकन स्ट्यू बरोबर सुद्धा खाऊन बघू शकता.


चिकन स्ट्यूसाठी आवश्यक सामग्री

• चिकनचे तुकडे -1/2 किलो.
• बटाटा - 1
• मोठे कांदे - 2
• गाजर -1 मोठे
• हिरव्या मिरच्या – 5 नग.
• लसूण -8 पाकळ्या
• आले -1 तुकडा
• दालचिनी – 2 तुकडे
• लवंग – 4 नग
• वेलची – 3 नग
• तमालपत्र – 1
• कढीपत्त्याची पाने
• कोथिंबीर
• खोबरेल तेल – 3 चहाचे चमचे
• नारळाचे दाट दूध – 1 कप
• मिरपूड – 1/2 चहाचा चमचा

चिकन स्ट्यू बनविण्याची कृती-
चिकन ,कांदे आणि गाजर यांना घनाकृती (क्य़ूबच्या आकारात) कापा. प्रेशर कुकरमध्ये २ चमचे नारळाचे तेल गरम करा. त्यात लवंग,दालचिनी आणि वेलची घाला.आता ह्यात आले आणि लसूण मिसळा. त्यानंतर कांदे, बटाटे व हिरव्या मिरच्या घाला.पुन्हा एकदा थोडावेळ ढवळा. आता तुम्ही यात चिकनचे तुकडे घालू शकता. परत हे मिश्रण ढवळा. तमालपत्र घाला. त्यानंतर अर्धा कप पाणी घालून ढवळा. आता झाकणाने बंद करून घ्या आणि तीन मिनिटे हे मिश्रण शिजवा..

आता झाकण काढून टाका आणि हे मिश्रण सॉस पॅनमध्ये काढून घ्या. थोडावेळ ढवळा. आता ह्यात मीठ, मीरपूड, कढीपत्ता आणि कोथिंबीर घाला. पुन्हा व्यवस्थित ढवळा. नारळाचे दाट दूध आणि अगदी किंचित तेल घाला. पुन्हा व्यवस्थित ढवळा. आणि साधारण दोन मिनिटे हे मिश्रण शिजवा. शेवटी कोथिंबीर घालून हा पदार्थ सजवा.

आता तुमचे चिकन स्ट्यू तयार झाले आहे. हे गरम अप्पमच्या जोडीने खायला छान लागते..