केरळी फिश करी बनविण्याची कृती हा व्हिडिओ दाखवतो.

500 ग्रॅम कोणताही मासा/कोळंबी स्वच्छ करून चौकोनी किंवा गोल तुकड्यांमधे कापा आणि बाजूला ठेवा.

एका रुंद, जाड परताच्या भांड्यात (माती किंवा नॉन-स्टिक), तीन ते चार चमचे खोबरेल तेल ओता.

परतण्यासाठी खालील गोष्टी तयार ठेवा:

• आलं - 2 इंच (पातळ लांब तुकड्यांमध्ये कापलेले)
• लसूण - 10 ते 12 पाकळ्या (पातळ,लांब तुकड्यांमध्ये चिरलेली)
• लहान कांदे - 5 ते 6
• कढीपत्त्याची पाने - थोडी

एक चमचा मोहरी घाला, वर दिलेल्या चार गोष्टी घालून परता.

नंतर खालील गोष्टींपासून बनविलेली पेस्ट त्यात मिसळा:

• काश्मिरी लाल तिखट  - 4 ते 6 चमचे 
• मेथी पूड - ½ चमचा 
• हळद - ½ चमचा 

मसाला किंवा पेस्ट तीन पावडरी एकत्र दळून किंवा पावडरच्या मिश्रणात थोडे पाणी घालून बनविता येऊ शकते.

मसाल्यापासून तेल वेगळे होईपर्यंत ढवळत रहा. चवीनुसार मीठ, चिंचेचे (कोकमाचे) काही तुकडे आणि अर्धा ते एक कप पाणी घाला. ते उकळू द्या.

नंतर, उकळत्या मसाल्यात माश्याचे तुकडे व्यवस्थित ठेवा आणि त्यावर कढीपत्त्याची पाने ठेवा. मासे शिजेपर्यंत आणि रस्सा घट्ट होईपर्यंत झाकण ठेवून शिजवा. नंतर, तीन चमचे खोबरेल तेल वरून घाला आणि आचेवरून खाली उतरवा.

ही करी खाण्याआधी 10-12 तास ठेवून द्या. ती तयार झाल्यावर लगेचच खाता येऊ शकते पण ती तेवढी चविष्ट लागणार नाही.

पाककृती: श्रीमती.लेलु रॉय (संदर्भ: लोनली प्लॅनेट एन्ड रफ गाईड)
ईमेल: simonroy@hotmail.com
दूरध्वनी: +91 471 2215377