ਜੇ ਤੁਸੀ ਮਨੋਹਰ ਦ੍ਰਿਸ਼ਆਂ ਅਤੇ ਪਾਣੀ ਦੇ ਵਿੱਚ ਕੁਝ ਚੰਗਾਂ ਸਮਾਂ ਬਿਤਾਉਣ ਦੇ ਬਾਰੇ ਵਿੱਚ ਸੋਚ ਰਹੇ ਹੋ, ਤਾਂ ਦੇਸੀ ਕਿਸ਼ਤੀ ਵਿੱਚ ਕਦਮ ਰੱਖੋ ਅਤੇ ਆਲਾਪੁਯਾ ਦੀ ਨਹਿਰਾਂ ਦੀ ਭੁੱਲਭੁੱਲਇਆ ਵਿੱਚ ਖੋ ਜਾਓ। ਇਹਨਾਂ ਨਹਿਰਾਂ ਵਿੱਚ ਜਲਵਿਹਾਰ ਦੇ ਦੌਰਾਨ, ਤੁਸੀ ਜਮੀਨ ਤੇ ਅਤੇ ਪਾਣੀ ਵਿੱਚ, ਦੈਨਿਕ ਜੀਵਨ ਦੇ ਵਿਭਿੰਨ ਦਿਲਚਸਪ ਪਹਿਲੂਆਂ ਨੂੰ ਜਾਣ ਪਾਵੋਗੇ।

ਇੱਥੇ, ਆਲਾਪੁਯਾ ਵਿੱਚ ਕੋਈ ਵੀ ਵਿਅਕਤੀ ਆਪਣੀ ਲੋੜ ਦੇ ਅਨੁਸਾਰ ਛੋਟੀ ਦੇਸੀ ਕਿਸ਼ਤੀ ਤੋ ਲੈ ਕੇ ਆਰਾਮਦਾਇਕ ਹਾਉਸਬੋਟ ਅਤੇ ਛੋਟੇ ਸਪੀਡਬੋਟ ਤੋ ਲੈ ਕੇ ਵੱਡੇ ਯਾਤਰੀ ਮੋਟਰਬੋਟ ਆਸਾਨੀ ਨਾਲ ਕਿਰਾਏ ਤੇ ਲੈ ਸਕਦਾ ਹੈ। ਨਹਿਰਾਂ ਵਿੱਚ ਜਲਵਿਹਾਰ ਲਈ ਛੋਟੀ ਕਿਸ਼ਤਿਆਂ ਦੀ ਵਰਤੋ ਕੀਤੀ ਜਾਂਦੀ ਹੈ। ਜਦੋ ਤੁਹਾਡੀ ਸਵਾਰੀ ਤਿਆਰ ਹੋ ਜਾਵੇ, ਉਦੋ ਤੁਸੀ ਆਪਣੇ ਜਲਵਿਹਾਰ ਲਈ ਆਲਾਪੁਯਾ ਅਤੇ ਉਸਦੇ ਨੇੜੇ ਦੀ ਇੱਕ ਨਹਿਰ ਪ੍ਰਣਾਲੀ ਦਾ ਚੋਣ ਕਰ ਲਵੋ।

ਨਹਿਰਾਂ ਦਾ ਨੈੱਟਵਰਕ ਚਾਹੇ ਵੇੰਬੰਨਾਡ ਝੀਲ ਦੇ ਕਿਸੇ ਵੀ ਹਿੱਸੇ ਵਿੱਚ ਹੋਵੇ, ਪਰ ਤੁਹਾਨੂੰ ਨਹਿਰਾਂ ਦੇ ਨਾਲ ਬਹੁਤ ਮੋਹਕ ਅਤੇ ਸੁੰਦਰ ਦ੍ਰਿਸ਼ ਵਿਖਾਈ ਦੇਣਗੇਂ। ਤੁਹਾਨੂੰ ਇੱਥੇ ਝੋਨੇ ਦੇ ਖੇਤ; ਨਾਰੀਅਲ ਲੈਗੂਨ; ਮੱਛਿਆਂ ਫੜਨ ਲਈ ਥੱਲੇ ਵੱਲ ਗੋਤੇ ਲਾਉੰਦੇ ਰੰਗ ਬਿਰੰਗੇ ਕਿੰਗਫਿਸ਼ਰ ਦੇ ਦ੍ਰਿਸ਼ ਵਿਖਾਈ ਦੇਣਗੇਂ। ਸੁੰਨਸਾਨ ਟਾਪੂਆਂ ਦੀ ਜਲਯਾਤਰਾ ਦੇ ਦੌਰਾਨ ਤੁਹਾਨੂੰ ਦੇਸੀ ਕਿਸ਼ਤੀ ਤੇ ਬੈਠੇ ਵਿਅਕਤੀ ਨੂੰ ਮੱਛੀ ਫੜਦੇ ਹੋਏ; ਅਤੇ ਆਪਣੀ ਬਤਖਾਂ ਨੂੰ ਨਵੇਂ ਚਾਰਾਗਾਹ ਲਈ ਲਜਾਉੰਦੇ ਹੋਏ; 'ਰਾਈਸ ਬਾਰਜੇਜ' ਜਾਂ ਕੇੱਟੁਵੱਲਮ ਪਹਿਲਾਉਣ ਵਾਲੀ ਵੱਡੀ ਜਿਹੀ ਕਿਸ਼ਤੀ ਦੁਵਾਰਾ ਮਾਲ ਦੀ ਢੁਵਾਈ ਅਤੇ ਸਕੂਲੀ ਬੱਚਿਆਂ ਦਾ ਨਹਿਰਾਂ ਦੇ ਰਸਤੇ ਇੱਕ ਥਾਂ ਤੋ ਦੂਜੀ ਥਾਂ ਤੱਕ ਜਾਉੰਦੇ ਹੋਏ ਕਈ ਦ੍ਰਿਸ਼ ਵਿਖਾਈ ਦੇਣਗੇਂ।

ਜਲਵਿਹਾਰ ਦੇ ਦੌਰਾਨ, ਨਾਰੀਅਲ ਕਾਯਰ ਦੇ ਨਿਰਮਾਣ ਦੀ ਤਕਨੀਕ ਅਤੇ ਪ੍ਰਕਿਰਿਆ ਵੇਖਣ ਲਈ ਤੁਸੀ ਕਿਸੇ ਵੀ ਪਿੰਡ ਵਿੱਚ ਰੁੱਕ ਸਕਦੇ ਹੋ। ਇਸਦੇ ਨਾਲ ਹੀ, ਜੇ ਤੁਹਾਡੀ ਇੱਛਾ ਹੈ ਤਾਂ ਤੁਸੀ ਰਸਤੇ ਵਿੱਚ ਆਉਣ ਵਾਲੇ ਢਾਬਿਆਂ ਵਿੱਚ ਵਿਸ਼ੇਸ਼ ਪਾਰੰਪਰਿਕ ਭੋਜਨ, ਖਾਸਕਰ ਮੱਛਿਆਂ ਤੋ ਬਣੇ ਵਿਅੰਜਨ ਅਤੇ ਨਾਰੀਅਲ ਦੇ ਪ੍ਰਾਪਤ ਟੋੱਡੀ ਕਹਿਲਾਉਣ ਵਾਲੇ ਕੁਦਰਤੀ ਪੇਅ ਪਦਾਰਥ ਦਾ ਮਜਾ ਲੈ ਸਕਦੇ ਹੋ।

ਇਸ ਲਈ, ਹੁਣ ਤੁਸੀ ਆਲਾਪੁਯਾ ਦੀ ਨਹਿਰਾਂ ਵਿੱਚ ਯਾਦਗਾਰ ਜਲਵਿਹਾਰ ਲਈ ਤਿਆਰ ਹੋ ਜਾਓ। ਕਿਉਕਿ ਹੋ ਸਕਦਾ ਹੈ ਕਿ ਇਹ ਸਿਰਫ ਇੱਕ ਸ਼ੁਰੂਵਾਤ ਹੋਵੇ ਅਤੇ ਤੁਸੀ ਇਸ ਤੋ ਬਾਅਦ ਕੇਰਲ ਦੀ ਨਹਿਰਾਂ ਅਤੇ ਬੈਕਵਾਟਰ ਵਿੱਚ ਜਲਵਿਹਾਰ ਲਈ ਬਾਰ ਬਾਰ ਆਉਣਾ ਪਸੰਦ ਕਰੋ। KSRTC ਬੱਸ ਸਟੈੰਡ ਦੇ ਨਜ਼ਦੀਕ ਸਥਿਤ ਘਾਟ (ਜੇਟੀ) ਤੋ ਤੁਸੀ ਬੋਟ ਕਿਰਾਏ ਤੇ ਲੈ ਸਕਦੇ ਹੋ।

ਇੱਥੇ ਪਹੁੰਚਣ ਲਈ :

• ਨਜ਼ਦੀਕੀ ਰੇਲਵੇ ਸਟੇਸ਼ਨ : ਆਲਾਪੁਯਾ, ਇੱਥੋ ਕੁਝ ਕਿਲੋਮੀਟਰ ਦੂਰ।
• ਨਜ਼ਦੀਕੀ ਹਵਾਈਅੱਡਾ : ਕੋਚੀਨ ਅੰਤਰਰਾਸ਼ਟਰੀ ਹਵਾਈਅੱਡਾ, ਨੇਡੁਮ੍ਬਾਸ਼ੇਰਿ, ਲਗਭਗ 85 ਕਿਲੋਮੀਟਰ ਦੂਰ।